آن الآوان ...حاسه بجد انه آن الاوان ان كل انسان يعرف طريقه فين ويعيد التفكير فى حاجات كتير فى حياته ويشوف غلطاته ويحاول يصلحها .
حاجات كتير حاسه انى ندمانه عليها وفوقت متاخر بس مش هيأس ابدا فى حياتى وهفضل دايما اخده بشعار:الضربه اللى مش بتموت بتقوى.
كلنا بشر واكيد بنغلط بس القوى منا اللى ميسلمش للهزيمه ويحارب ويقدر يرجع ثقته بنفسه
ويعيش حياته طبيعى بحلوها ومرها.
اه بنسمع كلام كداب كتير وبنصدق وعود وهميه وبنعيش حاجات خياليه..لكن وقت قريب وبيسقط القناع وبينزل الستار وتعلن نهايه المسرحيه الجميله اللى كنا بنتفرج عليها.
يااااااااااااه نفسى اقول حاجات كتير مخنوقه منها نفسى اتكلم واصرخ واسمع كل الناس واقول لهم اسمعوا الحقيقه ..واصحوا وشوفوا حقيقه الكدب اللى بنعيش فيه .
وحاجه اخيره نفسى اقولها من قلبى بجد
(انى بتأسف بشده لكرامتى وبقولها انا اسفه بجد كتير اوى اتنازلت عنك ..كتير اوى اتسببت فى اهانتك ..لكن غصبن عنى سامحينى
كانت فى اسباب خارجه عن ارادتى كانت العاطفه مسيطره عليا بس اكيد هتعذرينى وهتقولى معلش دى على نياتها اوى ومش بتدى خوانه لاى حد...حقيقى
انتى شىء من شخصيتى ومينفعش انى ابعد عنك تانى )
مش هبكى تانى على اللى يبعنى ولا هتراجع عن قرارى مهو قالوا فى الامثال البادى اظلم
Atom Feed (xml)