***حكمه اليــــــــــــــــــوم***:

19 نوفمبر، 2009

يا مصرى متسيبش حقك..:


النهارده اخبار كتير وصلتنا عن اللى حصل فى استاد الخرطوم وعن مدى الارهاب اللى تعرض ليه المصريين هناك ليه البشاعه دى
ليه تتحول مباراه رياضيه لعداوه دوليه
من امتى كان بين العرب كده ...اومال فين القوميه والانتماء والروح الجميله اللى بين العرب
فين موقف الجزائر من اللى سببه ابنائها للمصريين لحد دلوقتى مفيش اى رد فعل ليهم . زى ما يكونوا رضوا باعلانها حرب ومقاطعه بين الدولتين

انا مش زعلانه على خسارتنا للمباره وعارفه كويس اننا ابطال القاره الافريقيه ومش خسارتنا للمباره دى اللى هتخلينا نحزن او كرامتنا تقل ..لكن مستاءه جدا من اللى حصل لاخواتنا المصريين منظر الصور اللى شوفتها النهارده بشع مفيش اى رحمه ولا اى شفقه بالنساء والاطفال الموجودين ..لدرجه ان كل شخص مصرى كان بيحاول يدارى انه مصرى ليه كده .. اكتر شىء اثر فى نفسيتى لما سمعت بالجمله دى من الفنانين والمشجعين بيحاولوا يداروا اسم مصر او تيشيرت مصر خوفا من رد فعل الجزائريين .
يمكن انا مش قادره اعبر عن مدى الحزن اللى انا فيه وجوايا كلام كتير نفسى اعبر عنه لكن عاجزه عن التذكر للاهوال اللى انا شوفتها وسمعتها فى البرامج وعلى لسان الفنانين المصريين حاسه بانكسار فظيع من جوايا وفعلا مشفقه على كل مصرى كان هناك لانهم فعلا شافوا الموت بعنيهم
الوان الوان ولولا فضل ربنا ورحمته بيهم لكانوا انتهوا

طب ليه احنا معملناش معاهم كده لما كانوا فى ارضنا وعاملناهم بالحسنى
ومظهرش مننا اى فعل ارهابى زى اللى عملوه جماعه المسترزقين دول زى ما قال (السيد علاء مبارك)واللى فعلا مش جمهور كروى رايح يشجع بس لا دى خطه مدبره لفساد المباراه والاعتداء على المصريين هناك بس نفسى افهم لصالح مين كل ده

انا عن نفسى بشكر جدا كل الفنانين المصريين اللى قدروا ياخدوا موقف بعد اللى حصل لينا
قدروا يلغوا كل الاحتفالات والمهرجانات اللى كانت هتقام فى الجزائر وكمان قطعوا التعامل مع شركات الانتاج السينمائى الجزائريه .فى لفته كمان قدمها الفنان احمد السقا باعتذاره عن قبول الجائزه اللى كانت هتسلم ليه على ارض الجزائر فى مهرجان وهران الجزائرى
ووضح كمان انه فى برنامج دينى على قناه جزائريه الداعى الاسلامى اتهمنا احنا المصريين بالجاهليه ..ازاى وعشان ايه يقول عليى المصريين كده للدرجه دى وصلت بيهم الجراءه ياااه يدبحونا ويسبونا ويتحرشوا بينا وفى الاخر نطلع احنا كده احمد السقا نادى وقال لازم يقدموا اعتذار كبير عن الكلمه دى والسب ده مصر فى الاساس سابقه بحضارتها اقطار كتير واللى حصل من الجزائر ده بيوضح مدى الغل والحقد الموجود جواهم من مصر.............
وفنانين كتير جدا عملوا حملات وبدؤا بكده لان كرامه المصرى دى تستاهل اكتر من كده كمان بضم صوتى للاصوات اللى طالبت بطرد السفير الجزائرى من مصر ومنع اى تعامل مع الجزائر بعد كده والغاء القوميه والانتماء اللى بيتكلموا عنه وبطلب من الفيفا انها تقدر كل اللى حصل لينا وتنفذالماده رقم 10الموجوده فى قانون الفيفا


وياريت يا جماعه اننا نتحد كمدونين ونطالب بحق مصر فى الاهانه دى واننا لازم ناخد حقنا وحق الضحايا اللى اتصابوا فى استاد المريخ بالخرطوم وحق السب واللعن فى المصريين ...


. مصر غاليه علينا كلنا...وامانه فى رقبه كل مصرى

MISS\GH

09 يوليو، 2009

مكنش حب

انا بجد عايزه اتكلم فى موضوع مهم اوى .
محتوى الموضوع ليه الحب لو انتهى بيتحول لعداء وفى الغالب حرب؟
بيبقو اتنين كانوا بيحبوا بعض جدا ولو محصلش نصيب تلاقى كل واحد فيهم مش طايق يسمع سيره التانى ولو حصل اى حاجه اواتقال اى كلام تلاقى اول حد بتفكر ان هو اللى اذاك اللى انت كنت بتحبه.
طب ازاى؟



ازاى امبارح هقولك بحبك والنهارده هقول عليك كلام مش كويس؟
ازاى هنكون اكلنا مع بعض عيش وملح واضربك فى ضهرك؟
ازاى تكون امبارح فى حضنى والهارده بحاول احطك تحت رجلى؟

ازاى قلبى هيقدر يكون ليك اكبر عدو؟

الف ازاى وازى

ودة ببساطة اقدر اقول انه مكنش حب اوعلى الاقل كان فى طرف ماحبش كان بيوهم التانى

لان لما حبيبى يقول عنى كلام مش كويس

او لما اكون فى حضنه ويحاول يدوس عليا معقول دة ممكن يكون حبيب

ولو بالفرض ان زى ما بتقول بيقسى علية علشان يفوقنى

طب يفوقنى من ايه ؟ غير انه يفوقنى من وهم حبه علشان اعرف حقيقته واعرف انا اد ايه

اتخدعت فيه
المهم اللى انا عاوزه اقوله ان الدكتور عشان يداوى اوقات بيضطر انه يجرح اوقات يموت
فممكن فى محاولات اى واحد فيهم ان هو يفوق التانى من وهم هو عايش فيه اسى عليه شويه ففسرها التانى انه مش بيحبه ومن هنا اترمت اول بذره كره فى قلب التانى وبدل مايدوس عليها لا رواها وكبرها وفى الاخر نقول انت اوحش حاجه حصلت فى حياتى والتانى يقول
ياخساره . وفى الوقت ده فعلا تقدر تقول ياخساره الاحساس .

وفى الاخر
انا شايفة ان لو ماحصلش نصيب سواء منى او منه يبقى زى ما دخلنا بالمعروف نخرج بالمعروف

ومش هقول نكون اصدقاء لانى هبقى بضحك على نفسى

بس على الاقل لما نشوف بعض صدفة نسلم على بعض ولازم اكون مقتنعة ان ربنا مش كاتبهولى

مستنيه الرد

miss\gh

18 يونيو، 2009

ابقى مع نفسك

(بعد غياب بقول لكم وحشتونى اوى )


كثيراً ما نعيش في حاله نرغب بها أحياناً ....


حين تجلس مع نفسك
ماذا تقول لها !!
هل تكون صريحاً صادقاً معها
الكلام عن الذات وللذات هي ترجمه لما يجول في
باطن العقل
وما تخفيه مشاعرنا عن الآخرين

هل تبادلنا الحديث مع انفسنا يعطينا دفعه ايجابيه للحياه !!

هل الصداقه مع النفس تجعلنا أنانيين
ولا نأبه لما يجول حولنا مع أناس قريبين منا
وما يجول في واقعٍ ملمــوس أكثر واقعيه عن ما يدور في حديث النفس !

تجربه خاصه بي :-
- وهي حقيقيه -

كل يوم كنت أخبر نفسي وأقول لها قبل النوم :-

ماذا صنعتِ اليوم!
هل يومك كان مفيداً؟
ويمر عليّ شريــط يومِ كاملٍ وما يحمله
من مواقف
أخبرها
ثمـ أخبرها ....
بأني فاشله
أنا فاشله
اليوم أنا فاشله
فشلتي يانفسي
وها أنا قد أقنعت نفسي بأني فاشله
وبتُّ لستُ قادره على انجاز شيءٍ مفيد !!
فلقد اقنعت نفسي بأني فاشله .

بعدها
اقنعت نفسي بأني ناجحه
ولي دوري في الحياه
اليوم أنتي ناجحه
انا اليوم ناجحه
أنا نجحت في حياتي
حققت ما تتمناه أي فتاه
تُراني هل حققت فعلاً ما أرمي أليه ؟؟
لا أظن ذلك ....!!
فأنا أخدع نفسي كي لا تحطمني

قد أكون أنجز القليل من النجاح .. على مستوى عملي وعلى المستوى الأجتماعي
فهو يسمى نجاحاً
أياً كان نوعه!
اكلم نفسي عن الماضي وانجازاتي
اضحك مع نفسي مرات
ومراتٍ كثيره أبكي !!
ولكني بعد الحديث مع نفسي ؛ وبعد جلسةٍ طويـــــــــــــله
أشعر بنوعٍ من الحافز لغدٍ مشرق
اشعر بالراحة !!
أجل براحةٍ غريبه . . . .

وتبقى في النهايه حصيلة ما وصلت إليه
أثناء حديثي مع نفسي :-

بت لا اركز على ما فشلت به سابقاً
بت لا اندم على ما فعلته سابقاً ... بل اعتبرته موقفاً عابراً ومرّ عليّ مرور الكرام
ووجب عليّ أن لا ألوم نفسي على ما جهلته سابقاً ، فليس من المعيب أن نخطأ
ولكن تكرار الخطأ دون الإستفادة منه هو المعيب والمشين في نفس الوقت .

ولا أحب أن أكون أمام نفسي ضعيفه
أو مخطأه دائماً .

أصبحت الآن أدرك أن الفرق بين الاحمق و الحكيم هو ليس في كون الحكيم لا يرتكب
الاخطاء
ولكن في تعلمه من الاخطاء التي ارتكبها بدلاً من ان يُجرم ذاته لانه ارتكب الخطأ

14 أبريل، 2009

MY BIRTH DAY PARTY



،، بكره ان شاء الله هكمل 20سنه تعلمت فيها اشياء كتيره لم تكن بالحُسبان كسبت كتير من الاصدقاء وخسرت برده كتير ، 20 عاما قضيتها بين الأحزان و الأفراح ،،

دلوقتى بقى هبدأ مرحله جديده من عمرى وسأودع مرحله انطوت بحلوها و مرها …
اكيد كلكم هتاكلوا يا جماعه انا بحب تورته الشيكولاته علشان كده اخترتها



احساس جميل اوى لما الانسان يحتفل بعيد ميلاده وسط الناس اللى بيحبهم وبيحبوه اكيد اليوم ده مش هنساه لانكم هتحتفلوا معايا وده اول عيد ميلاد لى احتفل بيه معاكم
بحبكم جدا وبحب اصدقاء جدا وبتمنى من ربنا ميحرمنيش منهم طول العمر لان وجودنا فى حياه بعض بيخلينا نتخطى الصعب كله

وأسأل الله ان يجعل خاتمتي خاتمه السعاده وان يتجاوز عن سيئاتي ويغفر لي ما قد مضى من ذنوب ويجعل حياتي الباقيه في طاعه ومن طاعه الى طاعه …

على فكره مش هاوصيكم بقى ياجماعه ممنوع دخول المدونه بدون الهديه والا هاضطر الغى الحفله الوهميه دى وسوف تلقون اللوم على انفسكم وقد اعذر من انذر


WITH MY LOVE
MISS\GH

03 أبريل، 2009

***ALEX***

مصر إسكندرية ... إسكندرية بلدى حبيبتى بعشق كل ذرة على أراضيها


اسكندرية البحر ... البحر يعنى السحر ... البحر هو الصديق اللى تفضفض له ترتاح وتبص ليه
تنسى كل الهموم والأحزان ... وتنساب دموعك وتروح فى عالم تانى أكنك رجعت من تانى
البحر واااااااااااااااسع كبير تبص له مالوش حدود ويقابل السما فى الخلفية صورة رائعة
سبحان الله ...




اسكندرية صوت الموج اللى يحرك الوجدان ...
اسكندرية محطة الرمل ناكل الفشار و نشترى الكتب والمجلات ... اسكندرية نمشى على
البحر ... نسرح مع قمرها الخلاب ... اسكندرية ... القائد ابراهيم وأبو العباس

اسكندرية أجمل البلاد ...







مكتبة الإسكندريه











كوبري استانلي











المنتزه











الجندى المجهول

قلعة قايتباي





ابو العباس



مسجد القائد ابراهــــــــيم

(تجمع اكثر من مليون مسلم يصلون فى ليله القدر)

المسرح الرومانى





الشلالات(بجوار مجمع الكليات)



سان اسيفانو **حكـــــــــايه**
فندق فلسطين الشهيــــــــر


نادى سبورتنج الرياضى












مساكن الضباط




صدقونى لحد دلوقتى مش قادره احصر كل معالمها الجميله بجد بلد سياحى يجنن وانا بقدم ليكم دعوه مفتوحه علشان تيجوا تزوروها


قصيدة إسكندرية ل احمد فؤاد نجم


يا اسكندريه

بحرك عجايب
ياريت ينوبنى م الحب جانب
تحدفنى موجه
و البحر هوجه
والصيد مطايب
أغسل هدومى
وانشر همومى
على شمسه طالعه
و انا فيها دايب
***********
كأنى فلاح من جيش عرابى
مات ع الطوابى
وراح فى بحرك
كأنى نسمه فوق الروابى
م البحر جايه
تغرق فى سحرك
كأنى كلمه من عقل بيرم
كأنى غنوه من قلب سيد
كأنى جوا المظاهرة طالب
هتف بإسمك




..................
اهداء خاص منى لصديقتى era

اهداء منـــــــــــى الى اجمل اصدقاء العمـــــــــر

reader