بكره إن شاء الله هيبدأ عام 1430
وهينتهى عام 1429 ...
كل عام و أنتم بخير ..
ولكن
يؤسفنى ... إنى عن نفسى لما جيت أكتب السنه الهجريه الجديده دلوقتى اتأكدت من السنه كذا مره ... ليه ؟؟ ...لأنى مش عارفه أساساً إيه السنه إللى عدت و إيه السنه إللى جايه ..؟؟؟ طبعاً شئ يدعو للخجل أولاً ...
و لعل الموقف دا أثر فيا جداً رغم بساطته ... فكم منا لا يهتم بالسنين الهجريه و ينساها ؟؟!! .. و كم منا يقيم كل تقديراته وحساباته على العام الميلادى و ليس الهجرى ؟؟!! ... بل كم منا لا يحفظ الشهور الهجريه من الأصل ؟؟ مع إننا مسلمين ....
ممكن يكون جزء من الغلط على التقدير بتاع دولتنا أو دولنا العربيه معظمها تحسب بالميلادى فى الأساس .. و الهجرى [ حاجه كده على جنب بتتكتب على إستحياء فى الأوراق الرسمه الضروريه أوى أوى بس ] ....
حتى كم منا يعرف الشهر الهجرى الذى ولد فيه ؟؟؟ [ أنا عارفه طبعاً دلوقتى هتجيبوا البرنامج الموجود على الكمبيوتر إللى بيحسب التاريخ الميلادى و يحوله هجرى ] .. لكن طبعاً أنا أقصد هل تعرفه من قبل ؟؟...!!!
طب ليه مش بنرفع سماعة التليفون و نهنئ أحبابنا و أصدقائنا بالعام الهجرى الجديد زى ما بنعمل فى ليلة رأس السنه الميلاديه ؟؟ ....
و ليبدأ كل منا بنفسه ...
و لنبدأ العام الهجرى الجديد بتخطيط جديد و تقويم جديد .. و المره دى يبقا الهجرى أساسى زى الميلادى تمام ...
يعنى نقول بكره مثلاً [ 29ديسمبر 2008 .... و 1 محرم 1430] ....
و المره دى ... هيبقا للتاريخ معنى كبير أوى فى نفوسنا ....لأنه كل ما نبص للعام الهجرى .... نفتكر هجرة النبى عليه الصلاة و السلام .....
إيه رأيكم ...؟؟
و ما هى طموحاتكم فى العام الهجرى الجديد ..؟؟
و تحب تقول لمين كل سنه و إنت طيب ؟؟؟
Atom Feed (xml)
هناك 16 تعليقًا:
حقيقى والله كل الأسئلة دى جت فى بالى كتير ولكن أفاجأ ان ماحدش بيهتم بالسنة الهجرية بالصورة الائقة لهذا الحدث العظيم الذى لولاه ما إنتشر الإسلام وما كنا مسلمين
تحياتى
صدى الصمت ميرسى جدا ليكى ويارب اكون حاولت اشير لنقطه مهمه غايبه عن اذهانا
وكل سنه وانتى طيبه
كل عام وانتم بخير...دا دورنا لاحياء هذا اليوم
وشكرا ليكي جدا
المهم ننسى اللى فات
ومنفكرش غير احنا عملنا ايه
وايه هى اخطاءنا
كل سنه وانتى طيبه
وياريت نفكر فعلا بفكر جديد
ونتعلم من اخطاءنا
ونشوف مين اللى حبنا ونكون دايما معاه
احب اقولك كل سنة وانتى طيبة
ويارب تكون سنة جديدة علينا فعلا ف كل تصرفاتنا وحياتنا
عباداتنا وعلاقتنا مع ربنا غير السنين اللى فاتت
كل سنة وانتى طيبة
عام هجرى سعيد عليكى
وعلى امة محمد عليه الصلاة والسلام
السلام عليكم
كان الله مع اهل غزة وليغفرالله لنا تقصيرنا معهم ..
كل من له عينان يرى التواطؤ الكريه من حكومة فاسدة وحزب فاسد .. اما وانه قد خدع رئيس اكبر دولة اسلامية .. فهو غير كفيل بحكمنا .. نتحدث عن تواطؤ رئيس جاهل وحزب فاسد وحكومة اقرب الى الصهيونية ..ان لم تكن كذلك ..
اما حماس فيكفيها فخرا انها لم تستسلم كما استسلم غيرها .. لم تسرق اموال الشعب الفلسطيني كما فعل غيرها ..
حماس التي قدمت فخر شبابها شهداء في ساحة الجهاد والزود عن شرف الامة العربية والاسلامية ..
حماس العزة والكرامة والشرف ..
ولكن ماذا نحن فاعلون ؟
اقول لا للوقفات والاستنكارات ولكن اجمعوا المال والمؤن والسلاح وليفعل كل منا ما يستطيع لايصال المال والمؤن والسلاح لاهل غزة ..
ويارجال سيناء الشرفاء قوموا بايصال المال والمؤن والسلاح لاخوانكم في غزة الصامدة..
ولعنة الله على الكلب الذي استقبل العاهرة اليهودية للتواطؤ لضرب غزة ..
وحسبنا الله ونعم الوكيل
أ\مصطفي زهران
منورنى فى المدونه وانا سعيده جدابزيارتك
وبحييك بجد على مدونتك الرائعه وكتاباتك المتميزه جدا وكل سنه وانت طيب
صديقى العزيز رومانسى
كل سنه وانت طيب ويارب حقيقى ندور فى السنه الجديده دى على الامل والتفاؤل والحب وتكون سنه مختلفه عن السنوات الماضيه
wafaa
منورانى بعد غيبه
كل سنه وانتى طيبه وبخير
واتمنى لك كل النجاح والتوفيق والتقرب من الله.
ويارب نكون كلنا السنه دى والجايه والى بعدها دائما فى طاعه الله ونحاول نكفر عن ذنوبنا الى فاتت باعمال ترضى الله سبحانه وتعالى
صديقتى الرقيقه smilyrose
كل سنة وانتى طيبة
ويارب دايما نحس بفرحه اليوم الجميل ده ونتزكر فيه احداث اول عام هجرى فى عهد سيدنا محمد (ص)
واتمنى بجد اننا نفتكر دايما اننا مسلمين ولشان اليوم العظيم ده فى تاريخنا الاسلامى مكانه كبيره
جنّي
انا مستاءه جدا من الوضع ده ومهما حاولت اعبر مش هقدر اوصف بشاعه المجازر الدمويه دى
كل الى اقدر اقوله ان فى رب كبير رب الخلق كلهم قادر على كل شىء ويقدر يجازى كل انسان على اعماله وان ربنا مش بينسى عباده الضعفاء والنصر قادم باذن الله
لكن انا بعزى كل الامه الاسلاميه واخوانا الفلسطنيين على الشهداء الى راحوا فى اخر هجومات الاسرائيليين ولهم عند الله عظيم الاجر واكبر منزله مكانه الشهداء
واتمنى بجد اننا نحاول نساعدهم فى غزه بالى نقدر عليه ومننساش ان كل العرب اخوه والارض العربيه كلها متصلحش للتجزىء لانها بقعه واحده
كل سنة وانت طيبة هو بدأ فعلا أهوه ربنا يجعله عام خير وبركة عليكي ويبلغك فيه أجمل الأيام وأقدسها رمضان والحج ويحققلك كل ما تتمنين فيه بس عاهدي نفسك تغيري نفسك فيه
اخى العزيز كاتب مصرى
بحييك اولا على مدونتك الجميله وموضوعاتك المتنوعه
وميرسى بجد على تعليقك الجميل ده وكل سنه وانت طيب ودايما يارب بخير ومن نجاح الى نجاح اكبر يفوقه
اخى العزيز كاتب مصرى
بحييك اولا على مدونتك الجميله وموضوعاتك المتنوعه
وميرسى بجد على تعليقك الجميل ده وكل سنه وانت طيب ودايما يارب بخير ومن نجاح الى نجاح اكبر يفوقه
كل سنة وانت طيبة
وماتلوميش نفسك انك مش عارفة السنة الهجرية
أنا كمان ماكنتش عارف إحنا في سنة كام
ده للأسف بسبب أجهزة الإعلام والثقافة والتعليم
والسبب التاني الجواز بعيد عنك وعن السامعين
بيخلي الواحد ممكن ينسى إسمه كماااان
تحياتي / إحســـان
إرسال تعليق