ايهما اقرب اليك.....؟؟؟؟؟؟؟؟؟؟.

بعيدا عن المثاليات والدعايات والشعارات والتي باتت مع غالبية الناس ,احببت مناقشة هذا الموضوع معكم , الا وهو ايهما اقرب اليك,,,,؟؟
كلنا يمر بمواقف ويحتاج فيها الى اناس تقف بقربه , فلمن تلجاء ومن سندك الذي تعتمدعليه اهو الحبيب,ام الاخ ام الصديق اهو القريب ام الغريب.....؟؟
واسمحوا لى انى زكرت الحبيب قبل اى انسان اخر واكيد عارفين ليه السبب ومين بيكون الحبيب بالنسبه لمحبوبه.

وقد ايه صعب اوى لو كنت فى مشكله وحبيبك تخلى عنك او حتى محاولش يحسسك ولو بالكلام انه جمبك

في هذا الزمن لمن ستلجى , الى الاخ الذي ساعدته مره ومراات وحين احتجت اليه تخلى عنك اما الى

الغريب الذي استحى ان يردك خائبا ,ففزع لنصرك ومساندتك ......؟؟
ياترى
فى نظر كل واحد مين الى ممكن تلجأ ليه بجد من كل دول فى زمن الغدر والخداع والقسوه حتى بين
المحبين
...........

سنه هجـــــــريه جديــــــــــــــــــــده.:

بكره إن شاء الله هيبدأ عام 1430
وهينتهى عام 1429 ...
كل عام و أنتم بخير ..
ولكن


يؤسفنى ... إنى عن نفسى لما جيت أكتب السنه الهجريه الجديده دلوقتى اتأكدت من السنه كذا مره ... ليه ؟؟ ...لأنى مش عارفه أساساً إيه السنه إللى عدت و إيه السنه إللى جايه ..؟؟؟ طبعاً شئ يدعو للخجل أولاً ...
و لعل الموقف دا أثر فيا جداً رغم بساطته ... فكم منا لا يهتم بالسنين الهجريه و ينساها ؟؟!! .. و كم منا يقيم كل تقديراته وحساباته على العام الميلادى و ليس الهجرى ؟؟!! ... بل كم منا لا يحفظ الشهور الهجريه من الأصل ؟؟ مع إننا مسلمين ....
ممكن يكون جزء من الغلط على التقدير بتاع دولتنا أو دولنا العربيه معظمها تحسب بالميلادى فى الأساس .. و الهجرى [ حاجه كده على جنب بتتكتب على إستحياء فى الأوراق الرسمه الضروريه أوى أوى بس ] ....
حتى كم منا يعرف الشهر الهجرى الذى ولد فيه ؟؟؟ [ أنا عارفه طبعاً دلوقتى هتجيبوا البرنامج الموجود على الكمبيوتر إللى بيحسب التاريخ الميلادى و يحوله هجرى ] .. لكن طبعاً أنا أقصد هل تعرفه من قبل ؟؟...!!!
طب ليه مش بنرفع سماعة التليفون و نهنئ أحبابنا و أصدقائنا بالعام الهجرى الجديد زى ما بنعمل فى ليلة رأس السنه الميلاديه ؟؟ ....
و ليبدأ كل منا بنفسه ...
و لنبدأ العام الهجرى الجديد بتخطيط جديد و تقويم جديد .. و المره دى يبقا الهجرى أساسى زى الميلادى تمام ...
يعنى نقول بكره مثلاً [ 29ديسمبر 2008 .... و 1 محرم 1430] ....
و المره دى ... هيبقا للتاريخ معنى كبير أوى فى نفوسنا ....لأنه كل ما نبص للعام الهجرى .... نفتكر هجرة النبى عليه الصلاة و السلام .....
إيه رأيكم ...؟؟
و ما هى طموحاتكم فى العام الهجرى الجديد ..؟؟
و تحب تقول لمين كل سنه و إنت طيب ؟؟؟

هل احزن ؟ام هل اقول شر البليه ما يضحك؟

اصدقائي الاعزاء
نفسي اتكلم معاكم انها رده من قلبي بجد نفسي تشاركوني الكلام لانى بجد مش عارفه انا غلط ولا صح بس على كل حال بقول دايما الحمد لله بس عايزه اسالكم سؤال ياترى ممكن تحسوا بايه لما تتفهموا غلط ومن اقرب الناس ليكم او لما تعملوا شىء بغرض انكم تحافظوا على حد قريب منكم اوى وبتحبوه اوى ويفهمكم غلط والناس كلها تفهمكم غلط ويبعدوا عنكم لانكم
دلوقتى بقيتم شر بتهددوا حياتهم
انا والله ما كان قصدى شر للشخص ده وربنا الاعلم نيتي كانت ايه بس هو مش قادر يفهم وحاولت اشرح له قصدى الغضب كان مالى قلبه ومش قادر يفهمنى
انا مش عارفه الطريقه الى لجات ليها كانت صح ولا غلط بس انا حقيقي كنت فاكره انها هيا الحل بس طلعت منها بصدمه كبيره فى ناس كتير قريبين منى اوى واتعلمت ان
المشاكل الى ممكن الواحد يقع فيها بتبين الناس على حقيقتها مين الكويس ومين الى مش كويس مين الى ممكن ارجع ءامن ليه بعد كده واثق فيه ومين الى اجتنبه
اتصدمت كتير بس صدمات مكنتش متوقعه ابدا حتى الانسان الوحيد الى كنت فاكره انه ممكن يدافع عنى او يفهم منى محاولش يعمل كده محاولش يفكر كويس بعقله قبل ما يظلمنى وفى اول مشكله اتخلى عنى على الرغم انه فى مشاكله بتمنى انى اقدر اقدم ليه حاجه لكن الحمد لله ان ربنا بين لى كويس الشخص ده على حقيقته بس بوجه ليه رساله (انى مش ببكى على اى شخص مبكاش عليا) انا فعلا دلوقتى بضحك على نفسى اوى على مدى الثقه والامان الى كنت مدياها ليه وعلى مدى الاخلاص والحب الى وهبته ليه لكن انا بعترف انى كنت غلط لانى فهماه من البدايه وعارفه انه عمره ما خاف عليا وكل تصرفاته كانت واضحه مش هقول ليه غير حاجه واحده بس (ربنا يديك على قد نيتك)
انا فعلا كنت محتاجه انى اكتب ليكم وتشاركونى بكلامكم يمكن انتو الى تفهمونى وتخففوا عنى